Машҳурлардан кимлар маълум муддатга озодликдан маҳрум қилингани ҳақида маълумот бериб ўтамиз.
Марк Уолберг
Ўсмирлигида Марк жанжал ва наркотиклар сабаб 25 марта полицияга боришига тўғри келгани етмагандек, 1988 йил 16 ёшида икки кишини жонига қасд қилишга уринишда айбланган. У Daily Mail нашрига берган интервьюсида қилмишига яраша жазо олгани ҳамда қамоқда эски ҳаётига тезроқ қайтишини тушуниб етганини айтган. 45 кун қамоқда ўтириб чиққанига қарамай, Уолберг яна бир қанча жанжалларга ҳам аралашиб қолган.
Кичик Роберт Дауни
1980 йилларда актёр наркотикларга ўралашиб қолган. 1996 йилда актёр уч йиллик муддатга мажбурий даволанишга ҳукм қилинган, бироқ бир йилдан сўнг танадаги гиёҳванд моддаларни аниқлаш бўйича мажбурий тестга келмагани сабаб ярим йил қамоқда ўтиришига тўғри келган. 1999 йилда яна 1 йилга озодликдан маҳрум қилинган. У Голливуддагиларнинг хотираси ёмонлиги, бугунги кунда ҳеч ким уни қамоқда ўтириб чиққанини эслолмаслигини билдирган.
Лил Ким
Бундан 10 йил аввал Лил ёлғон гувоҳлик беришда айбланган. У 2001 йилда ҳамкасби иштирок этган отишма билан боғлиқ фактларни яширган.
Майк Тайсон
1991 йилда боксчи «Американинг қора танли гўзали» мақомига лойиқ деб топилган 18 ёшли Дезира Вашингтонга тегажоғлик қилишда айбланган. Жеймс Дуглас билан жангда мағлубияти сабаб ўзининг профессионал омадсизлигидан шундоқ ҳам депрессияда бўлган спортчи қиз билан боғлиқ суд жараёнларидан кейин яна ҳам тушкунликка тушган. 6 йилга озодликдан маҳрум қилинган Тайсон 3 йил ўтириб чиққан. «Қамоқдан чиққанимда мен ванна қабул қилишдан бошқа нарсани хоҳламаганман. Барча жирканчликни ювиб юборишни истаганман», — деган Тайсон.
Томми Ли
1998 йилда хонанда рафиқаси Памела Андерсонга қўл кўтаргани учун 4 ой қамоқда ўтириб чиққан. Қизиғи озодликка чиққанидан кейин жуфтлик ҳеч нима бўлмагандек бирга яшай бошлаган.
Эесли Снайпс
Солиқларни тўламасдан, тахминан, 15 миллион доллар қарз бўлгани сабаб Эесли бир неча йил қамоқда ўтириб чиққан.
Рэпер 50 Cеnt
1994 йилда наркотикларни сақлаш ва сотишда айбланган рэпер 3 йилга озодликдан маҳрум қилинган. Аммо хонанда ярим йилдан кейин озодликка чиққан.
Дэнни Трехо
Ўғрилик ва наркотиклар сабаб умрининг 11 йилини қамоқда ўтказган Дэнни карьерасини бошлашдан аввал боксчи бўлишни орзу қилган. Ҳозирда актёр ҳамкасбларига реабилитацияга ёрдам бериш ва мактабларда гиёҳвандликнинг зарари тўғрисида маъруза қилишдан бош тортмайди.
