 УМУМИЙ ТАЪРИФ
2020 йили Арслон буржи вакилларининг шахсий ҳаётида сезиларли даражадаги ижобий ўзгаришлар кузатилади. Ёлғизларнинг куни туғади. Унга орзуманд бўлган қарама-қарши вакил ё вакилаларнинг кети узилмайди. Демак, танлаш имкониятларингиз жуда кенг бўлади. Ишхонада мартабангиз оша боришига шахсан гувоҳ бўласиз. Айримлар 2020 йил аввалидаёқ янги лавозимни эгаллашади.
Ҳамкасблар билан янги йилда совуққонроқ бўлинг. Ҳаммасига эмас, сизга зимдан ҳасад қиладиганларига нисбатан совуққонлик жуда зарур. Раҳбарлар билан ҳар бир ишда маслаҳатлашишни унутманг. Шундай қилсангиз, мукофот пули, маош ошиши кабиларда дар қўйишмайди.
Ёз мавсуми ҳам арслон буржи вакиллари учун ажойиб тарзда ўтиши кутилмоқда. Саломатликни мустаҳкамлашингиз керак. Акс ҳолда шамоллаш ва грипп сизга чиппа ёпишади-қолади. Оила аъзоларингиз рўзғор масаласида маслаҳатлар берса, уларни инкор этмаслигингиз тавсия қилинади.
Йил давомида майда-чуйда ишларни ҳам бажонидил адо этаверинг. Улар ҳам катталаридан кам даромад келтирмайди. Йил охирида моддий аҳволингиз яхшидан-да яхшиланиши кутилмоқда. Яқинларингизга совғалар харид қилишни унутманг. Агар спортнинг фаоллик талаб қилувчи турлари билан шуғуллансангиз, эҳтиёт бўлинг. 2020 йили жиддий жароҳатлар олишингиз эҳтимоли бор.
МУҲАББАТ ВА ОИЛА
2020 йил сизга муҳаббат бобида романтика ваъда қилмоқда. Лекин муҳаббат ва оилани иш билан чалкаштирмаслигингиз сўралади. Янги танишувларни бошдан кечиришингиз ҳам эҳтимолдан холи эмас. Фақат танишувларда ташаббусни ўз қўлингизга олишингиз керак бўлади. Айниқса, оиласизлар ташаббус масаласини қаттиқроқ тутишлари лозим. Акс ҳолда ўзингизга ёқиб тушган инсонни танишиб улгурмай йўқотасиз. Аёллардан, қизларимиздан ташқи қиёфасига ижобий тус бериш талаб этилади.
Оилалиларнинг шахсий ҳаётига ҳеч қандай хавф соя солмоқчи эмас. Хотиржамлик ҳукм суради. Фақат пул масаласида жуфтингиз билан айрим келишмовчиликлар юзага келиши мумкин. Бироқ бу ҳам вақтинча.
2020 йили ёши улуғ яқинларингиз, фарзандларингиз саломатлигига алоҳида эътибор билан ёндашинг. Уларнинг қайсидир бири хасталанса, ҳеч бўлмаганда руҳан қўллаб-қувватлашга ҳаракат қилинг.
Ошқозонида муаммоси борлар парҳез тутишни бошласинлар. Ташқи кўринишингиздан кўнглингиз тўлмаса, албатта бу муаммонинг ечимини қидиринг.
ЭРКАКЛАР
Эркакларимиз 2020 йилни ёшариш ва мартабаси юқорилаш кабилар билан бошлайди иншооллоҳ. Муаммолар ортда қолади. Келажак ҳаётга бўлган ишонч ҳисси бирмунча ортади. Баъзилар касбини алмаштириш имконига эга бўлади. Иш ва жисмоний фаоллик янги йилда шиорга айланиши лозим.
2020 йил давомида муҳим ҳужжатларга имзо чекиш зарурати туғилса, жуда эҳтиёткорлик билан ҳаракатлар содир этинг. Молиявий соҳада инқирозга юз тутмаслик учун олдиндан ҳаракатларни режалаштириб олинг. Ҳар бир тийин устида ўмбалоқ ошиш шарт эмас. Тежамкорликка эътиборни кучайтирсангиз бас.
Ёлғизлар йил давомида кўнглидаги аёлни учратади. У аёл сизнинг энг яқин дўстингиз ва умр йўлдошингизга айланиши аниқ. Оллоҳ сизга ёр бўлсин!
АЁЛЛАР
Янги йилда аёллар ўзларига хос инжиқликлар ва принциплардан воз кечишлари керак. Ҳаётингиз ҳашаматларга бой бўлишини истасангиз, айрим вазиятлар билан ҳисоблашишингизга тўғри келади. Юлдузларнинг барчаси сиз томонда. Фақат уларнинг ёрқин нур сочиши ёки аксинча липпиллаганча қолиб кетиши сизнинг фаоллигингиз даражасига боғлиқ бўлади. Депрессияга тушиб қолмаслик учун хаёлларингизни тартибга солинг.
Ёлғиз аёллар, қизлар қарама-қарши жинс вакилларининг диққат-эътиборида бўлишлари керак. Баҳор ойларида қалбингизга албатта муҳаббат меҳмон бўлади. Умуман, арслон буржи остида туғилган қиз-жувонлар янги йилда ёлғиз қолиб кетишмайди.
МОЛИЯВИЙ АҲВОЛИ
2020 йил арслон буржи остида таваллуд топган дўстларимизга моддий тўкинликни ваъда қилмоқда. Гарчи ҳар куни бутикма-бутик кезмасангиз-да, молиявий инқирозлардан нари бўласиз. Иштаҳангизни назоратга олинг. Меъёрни билинг. Агар қўлингизга йил мобайнида катта пул тушса, пулларни фойда келтирадиган лойиҳаларга тикинг. Албатта даромадини кўрасиз. Жуда бўлмаганда уй учун бир-биридан гўзал жиҳозлар сотиб олинг. Сурункали хасталикка чалинган бўлсангиз, шу пуллар ёрдамида керакли муолажаларни олиш имконига ҳам эга бўласиз.
Энергетик заҳирангиз тўла, аммо руҳий ҳолатингиз жойида эмас. Бўлмағур хаёлларни миянгизга яқин келтирмасликка ҳаракат қилинг. Қизиқарли китоблар ўқинг, фильмлар томоша қилинг. Хушчақчақликни қадрлайдиган одамлар билан кўпроқ мулоқот қилинг.
Пул топиш йўлида дам олишни ҳам унутиб қўйманг. Зарарли одатларга қарши шафқатсизларча курашинг.
2020 йил ёзида айримлар хориж сафарига отланиши кутилади. Бу сафар ҳам моддий тўкинлик ҳадя этишига шубҳа йўқ.
САЛОМАТЛИГИ
Янги йил сизга ўта мустаҳкам соғлиқ ваъда қила олмайди. Лекин саломатлик масаласида жиддий муаммоларни четлаб ўта олишингизга кафолат бор. Қандай вазиятда бўлманг, позитивликни сақлаб қолиш пайига тушинг. Сузишни билмасангиз, ҳеч бўлмаганда сув ҳавзалари ёнида ўтириб дам олинг. Бу ҳам саломатликка албатта фойда беради.
Шахсий автомобилингиз бўлса, серқатнов йўлларда тезликни оширмаслигингиз тавсия этилади. Йўқса, жиддий жароҳатлардан азобланишингиз ҳеч гап эмас. Жисмоний зўриқишлардан қочинг. Зўриқишлар иммунитетингизни тушириб юбориши мумкин. Витаминга бой меваларни, маҳсулотларни кўп истеъмол қилинг.
Қалбан тараққий эта боришингизда медитация ёрдам беради. 2020 йили парҳез ва тўғри овқатланишни ҳам ёддан чиқариб қўйманг. Ортиқча вазндан безовта бўлаётганлар зудлик билан бассейнларда чўмилиш амалини бошлаши зарур.
Янги йилингиз қувончли лаҳзаларга бой бўлсин!
Саломат бўлинг!
Manba: www.SheJoT.CoM - Saytdan olindi!
| 
