 Кўк чой Қоматни тартибга келтиришни истаганлар учун диетологлар кўк чой ичишни тавсия этишади. Суюқ дамланган кўк чой ортиқча ёғ йиғилишидан халос этиб, тери намлигини мувозанатлаштиради. Аччиқ қалампир Асосан аччиқ таъмли қўшимчалар, қора мурч, хантал кукуни, қизил қалампир кабилар ҳазм жараёнини фаоллаштириши билан қайд этилади. Айниқса, қизил қалампир кукуни истеъмол қилинганидан сўнг 20 дақиқа ўтиб, тановул қилинган егуликлардаги ортиқча калорияларни парчалайди. Аммо ошқозон яраси ва ичакларда муаммоси борлар учун бу усул ножўя таъсир кўрсатиши мумкин. Ёғсиз сут-қатиқ Мазкур турдаги маҳсулотлар организмда кальцитриол гормони ишлаб чиқарилишини кучайтиради. Бу гормон эса ҳужайра тўқималаридаги ёғларни парчалаш хусусиятига эга. Шу сабабли ҳам қорин очқаганда ёғсиз сут-қатиқ ичиш тавсия этилади. Долчин Бир кунда 1 чой қошик долчин кукунини асалли чойга қўшиб истеъмол қилсангиз, соғлигингизга ҳам фойда қиласиз. Шунингдек, долчиндаги фойдали бирикмалар қонда қанд миқдорини меъёрлаштириб, ортиқча углевод ва ёғларнинг ножўя таъсиридан ҳимоя қилади. Яшил олма Қизил, сариқ турлари мазали бўлгани билан фойдали эмас. Яшил олма эса тўйимли бўлибгина қолмай, ортиқча сантиметрлардан халос бўлишда беминнат кўмакчи ҳам. Тушликдан сўнг бироз очиқсангиз, яшил олма ейишингиз мумкин. Аммо уйқудан олдин истеъмол қилманг. Йўқса, қорин оғриқлари ёки бошқа безовталиклар юзага келиши мумкин. Л имонли сув Эрталаб оч қоринга мана бу ичимликни синаб кўринг: 1 ст. қайнатиб илитилган сувга ярим бўлак лимон шарбати ва 1 чой қошиқ асални аралаштиринг. Сўнг оз-оздан ичинг. Лимон тетиклик улашса, қайнатилган сув ичакларда туриб қолган тиқинларни фаоллаштиради. Асал эса мия фаолиятига ижобий таъсир этади.
Manba: www.SheJoT.CoM - Saytdan olindi!
| 
