Фен одатда фақат соч қуритиш учунгина ишлатилади. Лекин ундан бошқа мақсадларда ҳам фойдаланиш мумкин.
Пойабзалларни кенгайтириш
Янги пойабзал жуда торми? Уни қалин пайпоқлар билан кийиб, фен билан қиздириш керак. Қурилмани ҳар томондан камида 1-2 дақиқа ушлаб туриш лозим. Оёқ кийим тўлиқ совиб кетгунча ечилмайди, шунда иситилган материал оёққа мослашади.
Стикерлардан қолган елимларни олиб ташлаш
Агар ёрлиқ олиб ташлангандан сўнг идиш-товоқ ёки мебелда елим изи қолса, аввал уни фен билан қиздириб, сўнг олиб ташлашга ҳаракат қилиш керак. Юқори ҳароратларда ёпишқоқ қатлам юмшайди ва уни оддий шимгич билан осонгина ювиш мумкин.
Сув доғларидан халос бўлиш
Нам стаканлар мебелда из қолдирганми? Ваҳима қилишнинг кераги йўқ. Буни фен осонгина бартараф этади. Аввал совуқ, кейин илиқ ҳаво оқими йўналтирилади ва қурилма доғ йўқолгунча ушлаб турилади.
Бампердаги чуқурни йўқотиш
Ишониш қийин, лекин баъзи ҳолларда автомобилдаги эзилиб қолган жойларни профессионал таъмирлашсиз йўқотиш мумкин. Албатта, бу жуда кўп вақт ва куч талаб қилади, лекин натижа, албатта, бунга арзийди!
Кўзойнаклар бандини созлаш
Кўзойнаклар нуқул бурундан сирғалиб кетадими? Бунга банднинг нотўғри узунлиги айбдор. Агар банд пластмассадан ясалган бўлса, уларни фен билан максимал режимда қиздириб, бармоқлар билан тўғри жойга эгиб, созлаш мумкин.
Овқат иситиш
Бу маслаҳат, албатта, тез-тез саёҳат қиладиган одамларга ёқади. Овқатни иситиш керак бўлса-ю, ошхона ёки микротўлқинли печ топишнинг имкони бўлмаса, меҳмонхонанинг фенидан фойдаланиш мумкин.
Мум изларини олиб ташлаш
Соч қуритгич ёрдамида мебелдан мум изларини тез ва осон олиб ташлаш мумкин. Доғ иссиқ ҳаво билан қиздирилади ва нам мато билан артиб олинади.
Кўмирни ёқиш
Кабоб пишириш керакми? Бундай ҳолатда ҳақиқий профессионаллар қўллайдиган лайфхак фойдали бўлади. Кўмирни фен билан ёққандан сўнг дарҳол пуфлаш – бу оловни тенг равишда тақсимлашга ва барбекюнинг барча чеккаларида барқарор ҳароратни яратишга ёрдам беради.
Желатинли торт
Торт юзаси муз каби безатилса, ажойиб кўринади. Қандолатчилик бизнесида янгилар тажрибали ошпазларнинг синовидан ўтган лайфхаклардан фойдаланиши мумкин. Тортнинг юқори қисмига крем қўлланади ва уни илиқ ҳаво оқими билан юзага текис тақсимлаш мумкин.
Музлатилган маҳсулотни эритиш
Агар музлатилган овқатнинг фақат бир қисмини ишлатиш керак бўлса, уларни муздан ажратиш учун фен билан эритиш мумкин.
Сақични олиб ташлаш
Агар сақич сочга ёпишса, сочларни ёзиб ташлаш керак. Аммо қайчидан фойдаланишга шошилмаслик лозим – уни фен билан олиб ташлаш мумкин. Сақич иссиқ ҳаво оқими билан олдиндан қиздирилади ва майда тишли тароқ билан таралади.
Киприкларни қайириш
Киприкларни қайиришда ушбу лайфхак, албатта, ёрдам беради. Соч қуритгичдан илиқ ҳаво оқими билан киприк қайиргич қиздирилади ва у билан киприклар қайириш мумкин, натижа кун бўйи сақланиб туради.
Пишириқларни қолипдан чиқариш
Кексларни қолипдан чиқариш қийин бўлса, уни фен билан иситиш лозим. Бу усул фольга ёки пергамент қоғоз қатлами маҳсулотларга ёпишиб қолганда ҳам самарали беради.
Чанг билан кураш
Чанг ва кирни мато ёки чўтка билан олиб ташлаб бўлмайдиган ҳолларда фен ёрдам беради. Мисол учун, клавиатуранинг ишлаш муддатини камида икки ҳафтада бир марта фен билан тозалаш орқали узайтириш мумкин. Бу усул китоблардан чангни тозалаш учун ҳам қўл келади.
