Сочларни табиий ва шу билан бирга ўзига хос рангда кўрсатиш хусусиятига эга бўлган хинанинг қандай фойдаси борлиги ҳақида маълумот бериб ўтамиз.
Хинанинг табиийлиги ва чиройли ранг бериши ҳеч комга сир эмас. Унинг сочларга нақадар фойдали экани эса узоқ тажрибаларда тасдиқланган. Хина – Африка, Ўрта Шарқнинг иссиқ иқлимида ўсадиган лавсония ўсимлигининг кукуни ҳисобланади. Ушбу ўсимлик табиий бўёқ танинни мужассам қилгани, бир қанча фойдали хусусиятга эга эканлиги билан ўзига хосдир.
У турли тери касалликлар, яра, куйиш ва ортиқча терлашни бартараф қилишда яхши самара беради. Сочга эса нафақат чиройли ранг беради, балки қазғоқни кетказиб, толаларни мустаҳкамлайди. Озиқлантиради, ўстиради ва ҳатто қалин қилади.
Кўп йиллардан буён хинадан фойдаланиб келадиган мутахассиснинг айтишича, у билан бўялгандан кейин ҳар бир аёл-қиз сочи индивидуал кўринишга эга бўлади. Шундан келиб чиқиб, хинадан кейин сочлар ҳамиша қизғиш бўлиб қолади деган фикрни ўзгартириш керак.
Масалан хинага ўсимлик ёғи, мева кислотаси аралаштириб профессионал коктейл тайёрланиши ва у билан сочлар бўялиши ҳам мумкин. Э витамини, шакар ва протеинга бой тинчлантирадиган гиёҳлар умумлашмаси соч толаларини мустаҳкамлаб, қайта тиклайди. Инфусион Элеменц деб аталувчи мазкур коктейлдан фойдаланиб, 30 дан хил натижага эришиш мумкин. Улар орасида оч малладан тортиб тўқ шоколад ранги ҳам бор. Соч тузилиши, аввал бўялган ёки йўқлигига қараб, аралашмадан кейин соч турлича, индивидуал кўринади.
Хунук қизғиш бўлиб қолмаслиги учун уйда бўямаслик керак. Аралашманинг консистенсияси тўғри бўлиши, таъсир қилиш вақтини ҳисоблаш ва парваришни қўшиш муҳим саналади. Ёдда тутиш керакки, хина деярли ювилганда кетмайдиган ва бошқа бўёқларни олмайдиган бўёқ. Шу сабаб натижа дарҳол кўнгилдагидек мукаммал бўлиши керак.
