Ким Кардашьяннинг Калифорниядаги ҳашаматли қасрига саёҳат (фото ва видео) - 21 Февраля 2022

Ким Кардашьян Канье Уэстнинг улушини 23 миллион долларга сотиб олгач, у 7 йил бирга яшаган саройнинг ягона эгасига айланди. Шоу-бизнес юлдузи Vogue нашри учун учун Ҳидден Ҳиллсдаги кошонасига саёҳат уюштирди, деб ёзади People Talk.

Биринчидан, уйнинг интерьер дизайни минимализмнинг энг яхши анъаналарига кўра яратилган: оқ рангдаги девор ва мебеллар, ёруғлик ва кенг ҳудуд. «Менинг уйимдаги ҳамма нарса ҳақиқатан ҳам минималистик руҳда. Дунё шу қадар бетартибликларга тўлганки, уйга қайтганимда жуда сокин ва осойишта бўлишини хоҳлайман», — дейди Кардашьян.

Лекин у болалари билан ўзларининг ётоқхоналарини хоҳлаганча жиҳозлашлари мумкинлиги ҳақида келишувга эга эканлигини айтиб ўтди, аммо асосий хоналарда ҳамма нарса аввалгидек қолади.

Уйда камин, мармар ошхона, уй кинотеатри ва ҳатто пианино ҳам мавжуд. Уйнинг ҳовли қисмида эса Кардашьян фарзандлари учун спорт майдончасини ташкил қилган – у ерда катта баскетбол майдони ҳам бор: «Бу болалар учун энг ажойиб жой», – дейди у.

Шунингдек, Ким уйининг рангига мос равишда кул ранг рангга бўялган автомобиллар коллекциясини ҳам намойиш этди. Кардашьян учта асосий машина – Lamborghini, Rolls-Royce ва Maybach’ини кўрсатди. «Бу уйдаги энг қимматбаҳо нарсалар», – деб қўшимча қилди у.

Ким Кардашьян собиқ турмуш ўртоғи Каньедан уйнинг бир қисмини сотиб олганидан сўнг рэпер яна Кимнинг саройи олдидан 4,5 миллион долларга уй харид қилган.