 Ясси ёки ичакрига тортилган кўкрак учи (ҳудди кўкракда яширингандек кўринади) эркаклар ва аёлларда ҳам учрайди. Бу муаммонинг потенциал сабаблари кўп: айрим одамларда бу туғилганиданоқ бўлади, айримларда эса касалликлар туфайли ривожланади. Агар кўкрак учи (сўрғич) яссилиги болаликдан ёки ўсмирлик давридан буён кузатилмаган бўлса ва ҳозирда бу билан боғлиқ қандайдир муаммоларни сезсангиз, унда мутахассис билан маслаҳатлашинг. Агар сиз 50 ёшдан катта бўлсангиз ва кўкрак шаклидаги ўзгаришларни сезсангиз, дарҳол шифокор билан маслаҳатлашинг ва кўкрак бези саратони предметига текширувлардан ўтинг.
Умуман олганда, ичкарига тортилган кўкрак учи эстетик нуқтаи назаридан ноқулайликлар етказиши, мураккаброқ ҳолларда эса эмизиш вақтида қийинчиликлар туғдириши мумкин. Яхшиямки, ушбу муаммони ҳал қилишнинг турли йўллари бор — мануал стимуляция (машқлар, массаж) махсусу воситалар ва жарроҳлик.
Ҳаракатлар режасини тузиш Кўкрак учи инверсияси даражасини аниқлаш
Устки кийимингизни ечиб, ойна қаршисига туринг. Кўкракни ареола (кўкрак сўрғичини ўраб турувчи тўқ рангли доира) чеккалари бўйлаб бош ва кўрсаткич бармоқ билан, сўрғичдан тахминан 2.5 см олдин қисинг. Кўкрак учининг реакциясига қараб, инверсиянинг уч даражасини фарқлаш мумкин.
1-даража. Кўкрак учи ареола озгина қисилганда ҳам осонликча чиқади. Агар ареола қўйиб юборилса, кўкрак учининг чиққанлиги бир муддат сақланиб туради, сўнг яна жойига қайтади. 1-даражали кўкрак учининг ичкарига тортилганлиги эмизишда қийинчилик туғдириши даргумон, аммо эстетик ва психологик ноқулайик етказиши мумкин. 2-даража: Кўкрак учи ареола қисилганда чиқади, аммо осонлик билан эмас. Босим тўхтатилгач, дарҳол ичкарига қайтиб киради. 2-даражали кўкрак учи ичкарига кирганлиги, эҳтимол, эмизишда қийинчиликларга олиб келиши мумкин. Бу шунингдек кўпинча ўртача фиброз билан боғлиқ бўлади ва сут каналларининг бироз тортилиши билан бирга кечади. 3-даража: Кўкрак учи ясси ва ҳеч қандай манипуляцияга жавоб қайтармайди. Бу сўрғич инверсиясининг энг жиддий даражасидир ва сезиларли фиброз ва сут каналларининг тортилиши билан кечади. Кўкрак учининг 3 даражали инверсиясида тез-тез инфекциялар учрайди ёки кўкракда тошма пайдо бўлиши мумкин, эмизиш эса деярли имконсиздир.
Иккала кўкракни ҳам текшириб кўринг, чунки бир вақтнинг ўзида ҳар иккита сўрғич ҳам ичкарига тортилмаган бўлиши мумкин. Кўкрак учи ичкарига тортилиши сабаблари
Агар сизда сўрғичлар болаликдан ёки ўсмирликдан шундай кўриншда бўлган бўлса, унда бу ҳолат бирон бир касаллик аломати бўлиши даргумон. Агар ўзгаришлар яқинда юз берган бўлса ва айниқса сиз 50 ёшдан ошган бўлсангиз, бунинг сабабчиси касаллик ёки инфекция бўлиши мумкин. Саратон ва бошқа жиддий патологиялар (инфекцион касалликлар ва яллиғланиш жараёни) кўкрак учининг инверсиясини ривожланишига олиб келиши мумкин.
Агар ёшингиз 50 ёшдан ошган ва кўкрак сўрғичи одатдагиндан кўра копроқ яссироқ ёки ичкарига кириб кетган бўлса, дарҳол кўкрак саратони предметига текширувдан ўтинг. 50 ёшдан ошган аёллар Педжет касаллиги ривожланиш хавфи остидадир. Сўрғичдан пушти ажралма чиқиши, унинг зичлашишим устида қобиқ пайдо бўлиши, сўрғич атрофидаги терининг қипиқланиши кўкрак саратони белгиси бўлиши мумкин. Агар сўрғичлардан кир-оқ, яшил ёки қора ажралмалар чиқса, шифокорга мурожаат қилинг. Сўрғичларнинг сезувчанлигини ошиши, уларнинг қизариши ва зичлашиши сут каналлари билан боғлиқ муаммоларнинг белгиси бўлиши мумкин. Агар оғриқли шиш пайдо бўлса, у босилганда ёки кесилганда йиринг чиқса ва бунинг фоинда иситма чиқса, бу ареола абстсесси бўлиши мумкин.
Даволаш усулини танлаш
Даволаш усули кўкрак учининг ичкарига кирганлиги даражаси ва сабаби, шунингдек эмизишни режалаштираётганликка боғлиқ.
Муаммони жарроҳлик йўлисиз бартараф этиш афзал бўлсада, айрим ҳолларда энг яхши ечим операция бўлиши мумкин. Бундай операцияларда қўлланиладиган энг замонавий усуллар сут каналларига зарар етказмасдан кўкрак инверсиясини тўғирлаш имконини берди, шу билан бирга, операциядан кейин ҳам эмизишни давом эттириш мумкин бўлади. Жарроҳ билан маслаҳатлашинг, у сизга операция керакми, йўқми, аниқлаб беради.
Ушбу қисқа операция маҳаллий анестезия остида амбулатория шароитида амалга оширилади. Уйга операция кунидаёқ қайтиш мумкин бўлади, чунки бу жарроҳлик минимал инвазивдир. Операциядан кейинги кун, эҳтимол сиз кундалик ишларга қайта оласиз (масалан, ишга чиқиш). Келгуси операцияни шифокор билан муҳокама қилинг. Амалиёт қандай амалга оширилиши ва қандай натижалар кутиш кераклигини билиб олинг. Шифокор сизнинг ҳолатингиз сабабларини баҳолаш учун сизнинг анамнезингизни диққат билан ўрганиб чиқиши керак.
Операциядан олдин ва кейин шифокор берган барча кўрсатмаларга диққат билан амал қилинг. Маслаҳатлар
Баъзи кўкрак чашкалари иккита катталикдаги тешикка эга: каттароқлари яллиғланган ва сезгир сўрғичарни ҳимоя қилиш учун мўлжалланган, кўкрак инверсйияси ҳолатида майда тешикли чашкачаларни олиш керак. Огоҳлантиришлар
Кўкрак учини чиқаришнинг баъзи усуллари ҳомиладорлик даврида тавсия этилмайди. Ҳомиладор бўлсангиз, кўкрак инверсияси муаммосини ҳал қилишдан олдин шифокорингиз билан боғланинг.
Агар кўкрак учи инверсиясининг 1-даражаси бўлса, унда мануал усуллар фиброзни заифлаштириш ва кўкрак учини нормал ҳолатга келтириши мумкин. Агар сизда кўкрак учи инверсиясининг 2 ёки 3 даражалари бўлса, яхшиси шифокорга мурожаат қилинг, шунда у сиз учун индивудал даволаш режасини тузиб беради. Баъзи ҳолларда ноинвазив усуллар жуда самарали бўлиши мумкин, бошқа ҳолларда эса энг яхши ечим жарроҳлик аралашуви бўлади. Агар сиз ҳомиладор бўлсангиз ёки эмизишни бошламоқчи бўлсангиз, шифокорга ёки эмизиш бўйича консультантга мурожаат қилинг.
Кўкрак учини чиқариш учун мануал техникалар
Ҳар икки бош бармоқни кўкрак сўрғичининг қарама-қарши томонларига, асосига қўйинг. Бармоқларингизни қарама-қарши йўналишда бир-биридан тортинг. Бу ҳаракатларни барча йўналишларда — юқорига-пастга ва ён томонларга бажаринг.
Дастлаб машқни кунига икки марта бажаринг, сўнг тобора беш мартагача оширинг. Ушбу машқлар кўкрак учи асосидаги унинг тортилишига сабаб бўлган ёпишишларни бузади деб ҳисобланади.
Сўрғични бош ва кўрсаткич бармоқлар орасида кунига бир неча марта айлантиринг. Сўрғични эҳтиёткорлик билан тортинг ва уни чўзилган ҳолатда сақлаб, бармоқлар орасида айлантириб туринг. Сўнг, сочиқни совуқ сув билан намлаб, у билан кўкракларни артиб олинг. Махсус воситалар Кўкрак чашкачалари сотиб олинг
Улар ҳомиладор аёллар учун дўконларда ва интернет дўконларда сотилади. Кўкрак чашкачалари юмшоқ, бироз қавариқ диск бўлиб, марказда кўкрак учини олдинга итарадиган кичик бир тешикка эга бўлади.
Кўкракни кўкрак чашкачасига жойлаштиринг, сўргични эса кичик тешикчага. Уларни футболка, кўйлак ёки ички кийим остида тақиб юринг. Ушбу чашкачаларни яшириш учун қўшимча кийим қатлами керак бўлиши мумкин. Эмизишга тайёргарлик кўраётган бўлсангиз, чачкачани эмизишдан камида 30 дақиқа олдин тақинг. Кўкрак чашкачалари кўкрак учига енгил босим ҳосил қилиб, уни қўзғалган ҳолатда сақлаб туради. Ушбу усул ичкарига кириб кетган сўрғичларни даволаш учун аёллар ва эркаклар томонидан ишлатилиши мумкин. Бундай чашкачалар аёлларда лактацияни ва эмизишни рағбатлантириши мумкин. Эмизикли аёлларга бундай чашкачаларни доимий равишда, айниқса, бир неча кун давомида тақиш тавсия қилинмайди. Агар чашкачаларни эмизиш вақтида ҳам тақсангиз, уларни вақти-вақти билан иссиқ сув ва совун ёрдамида ювиб туринг. Чашкаларни тақганда кўкрак атрофига эътибор қаратинг, чунки улар тошма тошишига сабаб бўлиши мумкин.
Сут сўриб олувчидан фойдаланинг
Агар ҳомиладор бўлсангиз ёки кўкрак сути билан эмизсангиз, кўкрак учини чиқариш учун ушбу қурилмадан фойдаланинг. Бугунги кунда уларнинг кўплаб турлари мавжуд. Ҳар биридан фойдаланишда унга бириктирилган йўриқномага амал қилинг. Инверт шпритсдан фойдаланинг
Кўкрак учини 10 млъли тоза шпритс билан олдинга тортиш мумкин (шпритснинг ўлчами кўкрак сўрғичининг катталигига қараб фарқланиши мумкин).
Тоза, ўткир қайчи ёрдамида, шпритснинг учини «0 мл» белгиси (шпритс поршенига қарама-қарши томонда) жойлашган нуқтада кесиб ташланг. Поршенни чиқариб олинг ва уни ҳозир кесган томонингиздан киритинг. Поршень охирига кетгунича босинг. Шпиртснинг кесилмаган томонини сўрғич устидан қўйинг ва поршенни тортинг. Ноқулайлик ҳис этсангиз, поршенни тортишни тўхтатинг. Шпритсни олиб ташлашдан олдин, босимни камайтириш учун поршенни бироз олдинга итаринг. Жараён бажарилгандан сўнг, шпритснинг барча қисмларини совунли иссиқ сувда ювиб ташланг. Бундан ташқари, ҳудди шундай ишлайдиган махсус тиббий асбоб сотиб олишингиз мумкин.
Махсус воситалар орасида «Ниппете» ва «Суппле Cупс» номли корректорлар ҳам мавжуд. Тиббий даволаш
Manba: www.SheJoT.CoM - Saytdan olindi!
| 
