Cosmopolitan 46 ёшни қаршилаган юлдуз Леонардо Ди Каприо йиллар давомида энг таниқли ва катта миқдорда гонорар олувчи актёрлар рўйхатида туришини маълум қилди. У фаолияти мобайнида 250 миллион доллар даромад йиғган. Уларни нималарга сарф этиши эса албатта, қизиқ.
Машина ҳайдашни яхши кўради
Лео тезкор машиналар ишқибози. У Fisker Automotive бренди касодга учрамасидан аввал сармоя киритган ва ҳатто бренд элчисига айланган. Шунингдек, «Формула E» пойгаси иштирокчиси бўлгани ва унинг гаражида бошқа машиналари қаторида Tesla Roadster ҳам жой олган. Айтганча, унинг илк машинаси 1969 йилги Ford Mustang бўлиб, у бир неча маротаба йўлларда бузилиб қолган.
Актёр яхталар сотиб олмайди, унга ижарага олиш қулайроқ. У бир вақтлар дунё бўйича катталликда бешинчи ўринда турувчи яхтани ҳам ижара олган. Унинг қиймати қарийб 700 миллион долларни ташкил этади. Унинг шахсий самолёти ҳам йўқ, лекин хусусий авикомпания орқали саёҳат қилишни афзал билади. Бу иши эса табиатни муҳофаза қилиш мутахассисларига унчалик ҳам ёқмайди.
Саховат ишларида фаол
Актёр кўпинча хайрия ишлари билан шуғулланади. 2020 йил 25 августда Лео ўзининг Earth Alliance − атроф-муҳитни муҳофаза қилиш ташкилоти томонидан Amazon Forest Fund – Amazon ўрмон ёнғинларидан қутқариш учун 5 миллион доллар ажратишни эълон қилди.
2010 йилда у Боно гитараси учун юз минг доллар сарфлаган ва яна Гаитидаги зилзиладан жабрланганларга ёрдам пули ажратган. Шунингдек, у ўз номи остидаги хайрия жамғармаси орқали саховат ишларини амалга оширади.
Ҳайкалча ва расмлар йиғади
Кўп йиллар давомида актёр «Юлдузлар жанги»нинг ҳайкалларини йиғиб юради, уларнинг сони 150 та, суперқаҳрамонларнинг сони эса 200 дан ошган. Леонинг яна бир севимли машғулоти – расм йиғиш. Миш-мишларга кўра, у расмларнинг ажойиб тўпламини йиғган. Шунингдек, у суратга олинган расмни танийдиган мобил дастурда инвестор сифатида иштирок этади.
Бундан ташқари Лео ғайриоддий буюмларни яхши кўради. У бир вақтлар «Оз сеҳргари» фильмидаги Доротининг ёқутдан ясалган пойабзалини академия музейига қайтариш учун сотиб олган. Албатта, актёр ушбу фильмнинг мухлиси сифатида уни ўз коллекциясига қўшиши мумкин эди, аммо Лео буни қилмади.
Шунингдек, у «Касабланка» фильмидаги машҳур пианинони ҳам кимошди савдосида 3,5 миллион долларга харид қилди.
Уй ва турар жойлар сотиб олади
Ди Каприо кўчмас мулк инвестори сифатида ҳам анча таниқли. У бир неча ой ичида Лос-Анжелес яқинида умумий қиймати 23 миллион доллардан ортиқ бўлган учта мулкка эга бўлди. Уйларнинг бирида ҳовуз, саккизта ҳаммом ва меҳмонхона мавжуд. У ушбу мулкдан ташқари, Нью-Йоркда иккита хонадон, Maлибуда океан манзарали уй ва Белиз яқинидаги оролга эгалик қилади.
Шунингдек, Ди Каприо ҳайвонларни ҳам жуда яхши кўради. Бир неча йил олдин 120 йилгача яшаши мумкин бўлган тошбақа сотиб олган. Каттароқ тошбақаларнинг нархи 10 минг долларгача бўлиши мумкин.
