Албатта, табиийлик доимо урфда. Шундай экан аёллар макияжда ҳам қошларини табиий қалин ва қора бўлишини истайди. Бунинг учун энг аввало вақт ва қуйидаги кўрсатмаларга риоя қилиш лозим.
Ушбу мақолада қошларни янада қалин ва чиройли бўлишига ёрдам берадиган фойдали маслаҳатларни топасиз.
Табиий ёғлар
Қошларнинг табиий қалинлигини тиклашнинг энг самарали усулларидан бири бу табиий ёғлардан фойдаланишдир. Рўйхатдаги етакчилар чакамуғ (репейное) ва канакунжут (костор) мойидир. Ушбу мойлар қош фолликулаларини озиқлантиради, бу эса қошларнинг янада кучли ўсишига ёрдам беради. Лекин натижага эришиш учун ёғни мунтазам равишда ишлатишни унутмаслик лозим. Усул ҳақиқатан ҳам самарали, айни пайтда оддий ва ҳамёнбопдир. Шунингдек, мўъжизавий мойлар ҳақида гапирганда, ўсма ёғини эслатиб ўтмаслик мумкин эмас.
Ушбу доривор ўсимликнинг ватани Хитой бўлиб, ўсма ёғи нафақат соч ўсишини тезлаштирадиган восита, балки соч тўкилишининг олдини олиш учун ҳам қўлланилади. Ёғдан ташқари, сочларга қуюқроқ ранг берадиган ўсма суви ҳам мавжуд.
Массаж
Қон айланишини рағбатлантирадиган ва шу билан соч ўсишини тезлаштирадиган бош массажи ҳақида кўп айтилади. Худди шу нарса қошларга ҳам тегишли! Массажни ёғ ёки қош ўсиши учун бошқа ҳар қандай билан маҳсулотни ишлатиш икки томонлама таъсирга эга бўлиш учун муҳим. Бунинг учун қош ўсиши вектори бўйлаб бурундан қулоққача массаж қилинади.
Зардоб (сиворотка)
Бугунги кунда қош ва кирпикларнинг ўсишини рағбатлантирадиган махсус зардоблар жуда машҳур. Аммо улар билан ҳушёр бўлиш жуда муҳим! Фақат юқори сифатли таркибга эга бўлган тасдиқланган маҳсулотларни танлаш тавсия этилади. Аммо, албатта, қошларсиз қолишни хоҳламасангиз арзон маҳсулотлардан харид қилмаганингиз яхши.
Витаминлар
Соч ўсишини рағбатлантирадиган витаминлар қошлар учун ҳам самарали. Энг машҳурлари биотин – сувда эрийдиган B витамини, вивиксал – соч тўкилишини тўхтатиш ва соч ўсишини рағбатлантириш учун аминокислота-минерал комплекси, А ва B витаминлари. Энг яхши таъсирга эга бўлиш учун бу витаминлар юқори бўлган тухум, денгиз маҳсулотлари ва ёнғоқлар каби фойдали маҳсулотларни истеъмол қилишни унутмаслик лозим.
Мунтазам тозалаш
Қошларни ўстиришда энг муҳим нуқта мунтазам тозалашдир. Кўпчилик бу жараённи унутади ва бошқа усуллар қўлланилганда ҳам натижа бўлмайди. Ҳар куни қошларни чўтка билан тараб, ҳафтада бир неча марта тозалаш керак, шунда тери янги толалар ўсишига тўсқинлик қиладиган ўлик зарралардан халос бўлади.
