Маурисио Почеттино ёзда «ПСЖ» бош мураббийлигидан кетади.
Le Parisien хабарига кўра, раҳбарият қишда аргентиналик мураббий билан хайрлашишга уриниб кўрди, аммо унинг ўрнини босадиган муносиб номзод топилмагани учун бу иш кечиктирилди.
Журналист Абделла Булманинг ёзишича, раҳбарият аллақачон Почеттинога ёзда у билан шартнома бекор қилинишини хабар қилган.
Хусусан, «Реал» собиқ бош мураббийи Зинедин Зиданнинг клуб бошқаруви ва тузилишига шубҳа билан қарагани учун парижликларга рад жавоб бериши ҳам Почеттинонинг жамоада қолишини таъминлади. Агарда Парижликлар Чемпионлар Лигаси 1/8 финалида «Реал» билан тушиб қолмаганда, Зидан «ПСЖ» бош мураббийи бўлиши мумкин эди.
Telefoot журналисти Жюьлен Майнарнинг хабар қилишича, Париж клубининг Зидан собиқ жамоасига қарши ўйини мутахассисни тайинланишига асосий тўсиқ бўлмоқда. «ПСЖ» нимчорак финалда «Реал»га мағлуб бўлса, Зиданнинг парижликлар устозига айланиш имконияти янада тезлашиши мумкин.
«ПСЖ» раҳбарияти Почеттинонинг ишларидан норози. 49 ёшли мутахассис қўл остида жамоа Франция Кубоги нимчорак финалида «Ницца»га имкониятни бой бериб, мусобақа билан хайрлашди, 2020/21 йилги мавсум Чемпионлар Лигаси ярим финалида «Манчестер Сити»га мағлуб бўлиб, азалий орзуси бўлган «шалпангқулоқ»ни қўлга кирита олмади.
Маурисио Почеттино 2021 йил январь ойидан буён Париж жамоаси бош мураббийи ҳисобланади.
