Муҳаммад Авал Мустафо сайёрадаги энг ёш миллиардер сифатида танилган. У Нигерия фуқароси бўлиб, эндигина тўққиз ёшда, лекин ёшига қарамай, у аллақачон барча орзу қиладиган ҳамма нарсага эга. Daily Mail журналистлари бугунги кунда боланинг қандай мулкка эгалик қилаётгани билан бўлишди, деб ёзади Robb Report.

Ёш миллиардер бор-йўғи олти ёшида шахсий уйининг эгасига айланган. Энди у қимматбаҳо ва тезкор машиналарнинг бутун коллекциясига эга. Табиийки, бола буларнинг барчасини ўзи ишлаб топиши ҳақиқатга тўғри келмайди. Бунинг ҳаммаси боланинг 42 ёшли отаси, валюта алмаштирувчи ва Момфа лақабли маҳаллий интернет юлдузи Исмоил Мустафо туфайлидир.

Отасининг оммавий ахборот воситаларига таъсирини ҳисобга олган ҳолда, Момфа Junior ҳам ота-онасига гардероби жиҳатидан мос келишга ҳаракат қилади. Шунинг учун у кўпинча бошдан оёқ дизайнерлик кийимлари ва қуёшдан сақлайдиган кўзойнакларда суратга тушади. У ёки унинг ота-онаси барча суратларни Instagram’даги шахсий саҳифасига жойлаштиради, унинг ҳозирда 45,2  минг обуначиси бор.

Ижтимоий тармоқдаги постларга кўра, Мустафо Versace ва Gucci каби мода брендларини, автомобиллардан қизил Lamborghini Aventador ва ёрқин Bentley Flying Spur’ни яхши кўради. Афтидан, суперкарлар коллекциясида сариқ Ferrari ҳам бор, уни суратлардан бирида Дубайдаги ҳашаматли уй ташқарисида турганини кўриш мумкин.

Тўғри, Daily Mail қайд этганидек, оиланинг бундай ҳашамат учун бунча пулни қаердан топиши мумкинлигига шубҳа бор. Гарчи ота ўғлини миллиардер сифатида кўрсатса ҳам, аслида унинг бойлиги атиги 15 миллион долларга баҳоланган.

Айтганча, ҳозирда Момфа ўз ватанида коррупция бўйича гумон қилинмоқда. Суд тадбиркорни ҳибсга олди, аммо кейин уни 469 минг доллар гаров эвазига озод қилди.