«Сочларим шундай қолиши керак». Тўти Юсупованинг сўнгги видеоси эълон қилинди

Ўзбекистон халқ артисти халқни яхши кўришини таъкидлаган

Ўзбекистон халқ артисти, марҳум Тўти Юсупованинг сўнгги видеоси эълон қилинди.

Видеода актрисанинг оппоқ рўмолда ўтирган ҳолда кўриш мумкин. У табассум қилган ҳолда халқни яхши кўришини таъкидлаган. Шунингдек,

«Сочларим энди шундоқ қолиши керак, оқ бўйича. Мен аввалам бор халқимни яхши кўраман. Чунки мени элга танитган бу халқ. Қилган нарсаларим уларга маъқул бўлган эканки, мен бундан хурсандман. Чунки инсон ҳар доим астойдил қиладиган нарсаси чинга чиқади. Мен халқимни яхши кўраман, жуда яхши кўраман», деган Тўти Юсупова.

Ўзбекистон халқ артисти Тўти Юсупова 15 март куни 86 ёшида вафот этди.

Маълумот учун, Тўти Юсупова 1936 йилнинг 10 март куни Самарқанд вилоятида таваллуд топган. Тошкент театр ва рассомлик институтини тамомлаган. 1957 йилдан ўзбек миллий академик драма театрида фаолият юритган. Шунингдек, актриса кинода самарали фаолият юритган.

Театр саҳнасида Ҳафиза (Абдулла Қаҳҳор, «Шоҳи сўзана»), Sonyа (А.Чехов, «Ваня тоға»), Қорасоч (Уйғун, «Шубҳа»), Ҳожар (А.Қаҳҳор, «Тобутдан товуш»), Нури (Ойбек, «Қутлуғ қон»), Она (Э’ Роблес, «Ўлимдан кучли»), Хонзода (Ҳамза, «Бой ила хизматчи»), Шафақ (М. Карим, «Ой тутилган тунда»), Раҳима (Ў. Умарбеков, «Комиссия»), Сотти (С.Аҳмад, «Келинлар қўзғолони»), Фотима, Зеби (Ў.Умарбеков, «Шошма қуёш», «Қиёмат қарз»), Нодира (Т.Тўла, «Нодира»), Мастура (Ҳамза, «Паранжи сирлари») каби турли қаҳрамонлар образини яратди.

Тўти Юсупова 1994 йилда Ўзбекистон халқ артисти унвонини олган, 2020 йилда «Меҳнат шуҳрати» ордени билан тақдирланган.