Таниқли супермодель яқинда 50 ёшга тўлади. Мана шу муносабат билан у моделлик фаоляитини якунлаши ҳақидаги хабарлар тарқалди, деб ёзади ELLE нашри.
Бундан ташқари,Синди ўз интервьюларидан бирида яқин 10 йил ичида бирорта журнал муқоваси учун суратга тушишини режалаштирмаганини айтган эди.
"Ўйлашимча, ҳозир суратга тушишни тўхтатишнинг айни пайти. Албатта, келгуси 10 йил ичида профессионал модель сифатида фаолият юритмоқчи эмасман”, — деганди Синди.
Унинг айтишича, Синди модель сифатида дунёдаги энг таниқли фотографлар билан ҳамкорлик қилишга муваффақ бўлган. Энди эса у фарзандлари 14 ёшли қизи Кайа ва 16 ёшли ўғли Преслининг тарбияси билан шуғулланиш истагида.
"Қизингиз сизнинг ишингизни давом эттиришини истайсизми?” деган саволга "Ҳозир ҳамма замонавий қизлар қайсидир маънода модель ҳисобланади. Улар ўзларини мунтазам равишда суратга олиб, интернетга жойлайди. Ҳозирги кунда фоторгафларга ҳам ҳожат қолмаяпти. Чунки исталган киши сифатли тарзда суратга тушириши мумкин”, — деб жавоб беради Синди.
Синди Кроуфорд бир неча йиллар мобайнида кўплаб таниқли нашрлар билан ҳамкорлик қилган.
