Голливуд юлдузлари Женнифер Лопес, Меган Маркл, Селена Гомес ва бошқалар гўзаллик ва ёшлик сирлари билан бўлишди.
Селена Гомес интенсив машғулотларни афзал кўради
Танани яхши ҳолатда сақлаш учун Селена Гомес мунтазам равишда куч машқларини бажаришни тавсия қилади. Хонанданинг ўзи югуриш ва интервалли машғулотларга мурожаат қилади. Юлдузнинг шахсий мураббийи Эми Розофф Дэвис ҳам у пилатес, кардиомашқ, йога ва спиннинг каби турли спорт турлари билан шуғулланишини таъкидлайди.
Женнифер Лопес сув балансига риоя қилади
Ҳеч кимга сир эмаски, сув метаболизмни тезлаштиради, терининг эластиклигини сақлайди ва токсинларни чиқариб ташлайди. Бу фикрга Женнифер Лопес ҳам қўшилади. Юлдуз кунига камида етти стакан суюқлик ичади. У ичимлик режими туфайли терининг гўзаллиги ва ёшлигини сақлаб қолишга амин.
Хейли Бибер кўп йиллар давомида Пилатес билан шуғулланади
Хейли Бибер пилатес билан шуғулланади. Модель ушбу машғулотни ҳеч қандай сабабларсиз танлаган. Юлдузнинг сўзларига кўра, бу нафақат жисман, балки руҳан соғлом бўлиш учун ҳам фойдали. Бундан ташқари, модель бокс спортига ҳам эътибор қаратишни тавсия этади. Унинг фикрича, бу спорт нафақат танани, балки ақлни ҳам чархлайди.
Кейт Хадсон бир кунда беш маротаба овқатланади
Тартиб билан овқатланиш Кейт Хадсон гўзаллигининг калитидир. Актриса тонгни селдер шарбати билан бошлайди, сўнгра оқсил коктейли ёки тухум тановул қилади. Куннинг қолган қисмида Хадсон асосан ўсимликка асосланган таомларни истеъмол қилади. Бундан ташқари, юлдуз кам-камдан кунига беш марта овқатланади.
Гвинет Пелтроу уйқуни танлайди
Гвинет Пелтроу банд бўлишига қарамай, ҳар доим соғлом уйқуга вақт топади. Актрисанинг сўзларига кўра, уйқу тикланиш жараёнларида асосий роль ўйнайди. Уйқусизлик энергия даражасига салбий таъсир кўрсатиши маълум, шунинг учун у мунтазам равишда 7-10 соат ухлайди.
Женнифер Энистон ёгани афзал кўради
Женнифер Энистон узоқ вақтдан бери ёга ишқибози. У маънавий амалиётлар билан мия фаолиятини рағбатлантиради ва соғлом бўлишига ишонч ҳосил қилади.
Меган Маркл тетиклантирувчи шарбат ичади
Етарли энергия даражасини сақлаб қолиш учун Меган Маркл ҳар куни шарбат ичади. Уни тайёрлаш учун герцогиня одатда лимон, олма, исмалоқ ва занжабилдан фойдаланади. Меган бундай ичимлик қаҳвадан кўра яхшироқ тетиклантиради, деб ҳисоблайди.
Кейт Бекинсейл қаҳва ва спиртли ичимликлардан қочади
Кейт Бекинсейл спиртли ичимлик ва қаҳвалардан қочади. Бунинг ажабланарли жойи йўқ, чунки кофеин уйқучанликни, хавотирни оширади ва ҳатто гормонал фонга таъсир қилади. Бунинг ўрнига актриса рационга куч-қувват берувчи овқатларни (балиқ, тухум, салат барги) киритади.
