«Уйда ёлғиз» юлдузи Маколей Калкин тушкунликда ўтган йиллари ҳақида ҳужжатли фильм суратга олади - 11 Февраля 2022

«Уйда ёлғиз» фильмининг юлдузи Маколей Калкин кўп йиллар давомида ёлғиз ҳаёт кечирди, фильмларда роль ўйнамади, гиёҳвандлик билан курашди ва ҳатто ўз жонига қасд қилишга ҳам уринди. Яхшиямки, қоронғи кунлар ортда қолди: Маколей депрессиядан халос бўлди, Gucci модалар намойишида иштирок этди, тўрт йилдан ортиқ вақт давомида учрашиб юрган актриса Бренда Сонгга турмуш қуришни таклиф қилди ва эндиликда ўз фильмини суратга олмоқчи.

Хабар берилишича, 41 ёшли Калкин Lightbox продюсерлик компаниясида ўзининг руҳий тушкунликда ўтган йиллари ҳақида ҳужжатли фильм чиқаради. Фильм «Маколей Калкиннинг ўсмирликдаги инқирози» деб номланади. Лойиҳани суратга олиш учун актёр саёҳатга чиқмоқчи ва у ҳар доим долзарб бўлган ва миллионлаб одамларни ташвишлантирган қариш, руҳий саломатлик ва ёшга боғлиқ ўзгаришлар ҳақидаги саволларга жавоб топишга ҳаракат қилади. Калкиннинг сўзларига кўра, у учун нафақат ўз ҳикоясини баҳам кўриш, балки у дуч келган қийинчиликларни бошидан кечираётган одамларга ёрдам бериш ҳам муҳимдир. Тан олиш керак, ғоя чиндан ҳам ҳурматга лойиқ!

Эслатиб ўтамиз, актёрнинг ортида нафақат кўп йиллик руҳий тушкунлик, балки кўплаб ишқий муносабат ва айрилиқлар ҳам бор. «Уйда ёлғиз» юлдузи биринчи марта 17 ёшида турмуш қурган. У актриса Рейчел Майнер билан 2000 йилда ажрашган. 2002 йилда Маколей деярли 10 йил давомида учрашган Мила Кунис билан турмуш қурди, аммо 2011 йилда жуфтлик муносабатларга нуқта қўйишга қарор қилди. Муваффақиятсиз муносабатлар туфайли руҳий тушкунликни бошдан кечирган Маколей узоқ вақт давомида ўзининг муҳаббатини топа олмади. 2017 йилда у Бренда билан танишди, машҳурга яқин манбаларнинг фикрига кўра, у ҳаётини бутунлай ўзгартирди. Жуфтлик 4 йилдан бери бирга, 2021 йил улар ўғил фарзандли бўлган.