Британиялик аёлнинг қолдиқлари унинг ўлимидан икки йил ўтиб унинг квартирасидан топилган. Қўшнилар ғалати ҳидни пайқаб, 2019 йилда уй эгасига шикоят қилишган. Бу ҳақда Daily Mailга асосланиб Мир24 маълум қилмоқда.
Аёлнинг почта қутисида хат ва ҳисоб-китоблар тўпланиб қолганини кўрган қўшнилар янада хавотирга тушишган. Унинг ижара учун минглаб фунт қарзи борлиги аниқланган.
Сўнгги ташриф 2020 йилда газ ишчиларига тегишли бўлган. Улар ўша пайтда аллақачон ўлган аёлнинг эшигига газни синовдан ўтказиш учун мажбурий кириш тўғрисида эслатма қолдириб кетган.
Фақат 2022 йил 18 феврал куни уй аҳолиси полицияга мурожаат қилишди. Етиб келган ҳуқуқ-тартибот идоралари ходимлари хонадон эшигини бузиб кириб, аёлнинг жасадини топди.
«Менга у аллақачон скелетга айланганини айтишди ва унинг фуқаролигини тасдиқлашни сўрашди»,— деган марҳумнинг қўшниси журналистларга.
Бошқа бир қўшни хонадондан чиқаётган бадбўй ҳидни тўхтатиш мақсадида эшик остига сочиқ суқиб қўйганлигини айтиб ўтган.
