 Ватиканнинг расмий босма нашри ҳисобланган «L’Avennire» режиссёр Даррен Аронофскининг «Нуҳ» фильмини «қўлдан чиқарилган имконият» деб атади, дея хабар бермоқда The Guardian.
Газета фильмни «ғалати» ва «тушунмовчиликка олиб келадиган» деб атаган, шунингдек, қайд этилишича, режиссёр ўз фильмида «Худони эътиборсиз қолдирган» ва Библиядаги ривоятлардан жуда ҳам узоқлашиб кетган.
«L’Avennire»даги тақриз – Ватиканнинг ушбу фильмга билдирган илк расмий муносабатидир. Қайд этиш жоиз, «Нуҳ» фильми жаҳон мусулмон ва насроний жамоатчилиги томонидан кескин танқид остига олинганди.
Ўз навбатида, аввалроқ фильмда бош ролни ижро этган Рассел Кроу билдирилган танқидларни «ақлга сиғмайдиган» деб атаган, шунингдек, фильмга шахсан Рим папаси оқ фотиҳа берганини маълум қилганди.
Маълумот учун, «Нуҳ»нинг Тошкентдаги намойишлари 27 март куни бошланган, 28 март куни тўхтатилган ва орадан бир неча кун ўтиб яна қайта бошланган эди.
Ватикан жаҳондаги энг кичик мамлакат бўлиб, Рим папаси унда давлат бошлиғи ҳисобланади.
Manba: www.SheJoT.CoM - Saytdan olindi!
| 
